తల్లీ..!
ఆ దేవుని దీవెనతో
ఆశించిన అనురాగంతో
అందిన ఆశీస్సులతో
పొందిన దేవత నువ్వు
నీ తొలకరి చిరు
పలుకులు
నీ సొగసరి తొలి అలకలు
నీ బుడు బుడి వడి నడకలు
నీ తొలి బడి కేరింతలు
మాపై పడి గిలిగింతలు
నీకెంతో అందం
మాకెంతో ఆనందం !
అల్లుకున్న మల్లె తీగ
ఇంటికెంత అందమో
నీ అల్లరన్న మాకు కూడ
అంతకంటే అందమే!
నీ పసి పుగ్గపై
విరిసిన
పసిడి సిగ్గులు
మా జీవితపు పెరట్లో
విరబూసిన మల్లె
మొగ్గలై
మా హృదయపు వాకిట్లో
వెలసిన రంగుల
ముగ్గులై
వెన్నలను - వెలుగును
సువాసనను - సుమఅందమును
సంతోషమును - సౌఖ్యమును
అన్ని వేళలా
అందివ్వాలనేదే
మా ఆశ ! మా ఆకాంక్ష!!
- సదా నీ
ప్రేమలో... మీ అమ్మ- నాన్న !
No comments:
Post a Comment