ఎందుకు నీవెందుకు
నీది కానిది నీకెందుకు
ఎందుకు నీకెందుకు
మనిషి మీద అలుసెందుకు
మనసు మీద విసుగెందుకు
సొగసు మీద సోకేందుకు
వయసు మీద వ్యామోహం ఎందుకు
ఎందుకు నీకెందుకు
కుల మతాల కుళ్లెందుకు
రక రకాల గుళ్ళెందుకు
కార్పోరేట్ బళ్ళెందుకు
విదేశాల ఊళ్ళెందుకు
ఎందుకు నీకెందుకు
పేద ధనిక బేధమెందుకు
ధనమంటే ఆశెందుకు
బలముంటే బలుపెందుకు
లేకుంటే గెలుపెందుకు
ఎందుకు నీకెందుకు
వింతైన కోరికలెందుకు
అంతులేని ఆలోచనలెందుకు
స్వార్థం అనే గుణమెందుకు
సంపాదిచాలనే తపనెందుకు
ఎందుకు నీకెందుకు
"బంధుత్వం" అనే బంధమెందుకు
మనిషి పోతే బాధెందుకు
ఒకరితో ఇంకొకరికి బేధమెందుకు
అందరం "ఒక్కటే" అని అనరెందుకు
ఎందుకు నీకెందుకు
బతుకంటే మోజెందుకు
మేతుకుంటే రోజెందుకు
చావంటే భయమెందుకు
ఈ జీవితం నీకెందుకు
ఎందుకు నీకెందుకు
అని ఒక్క సారి ప్రశ్నిస్తే
దొరుకుతుందా ... సమాధానం
ఇదంతా జీవన విధి విధానం
నీ పుట్టుకను నీవు కనవు
నీ చావును నీవు వినవు
వీటి మధ్యలో కొట్టు మిట్టాడేదే
ఈ జీవితం అని ఎందుకు అనవు
"నిన్న" ఇక లేదు
దాని గురించి ఆలోచించే పని లేదు
"రేపు" ని ఇపుడే రమ్మంటే రాదు
దీని గురించి ఆందోళన అవసరం లేదు
"ఈ రోజు" ని పొమ్మంటే పోదు
అందుకే ఈ క్షణమే నీది
ఈ క్షణం సంతోషంగా ఉంటూ
తోటి వారిని ఆనందంగా ఉంచుతూ
జగమంత ఒకే కుటుంబం అని భావించు
అదే నీ జీవిత పరమార్థం అని గుర్తించు
No comments:
Post a Comment